पणजी: राज्‍यातील सरकारी खाती, अनुदानप्राप्‍त संस्‍था, महामंडळे आणि स्‍वायत्त संस्‍थांमध्‍ये कार्यरत असलेल्‍या एकूण ६३,९७० पैकी १२,९०७ जणांचे अद्याप ‘शुभमंगलम सावधान’ झालेले नाही. तर, ५१,०५५ कर्मचारी विवाहित असून, ८ जणांनी आपल्‍या विवाहासंदर्भातील माहिती सरकारला दिलेली नाही.

नियोजन, सांख्‍यिकी आणि मूल्‍यमापन खात्‍याच्‍या अहवालातून ही माहिती समोर आली आहे. सरकारी खात्‍यांमध्‍ये सर्वाधिक ९,०२८ कर्मचारी अविवाहित आहेत. त्‍यानंतर या यादीत अनुदानप्राप्‍त संस्‍थांचा क्रमांक लागत असून, त्‍यांमध्‍ये २,९७७ जणांचा विवाह झालेला नाही.

विविध महामंडळांत काम करीत असलेल्‍या ६७२ आणि स्‍वायत्त संस्‍थांमधील २३० जणांचा अद्याप विवाह झालेला नाही. सरकारी खात्‍यांतील २, अनुदानप्राप्‍त संस्‍थांमधील ५ आणि महामंडळांतील एक अशा एकूण ८ जणांनी आपला विवाह झालेला आहे की नाही, याची माहिती सरकारला दिलेली नाही, असे या आकडेवारीतून दिसून येते.

५,४०८ कर्मचारी कंत्राटी, अर्धवेळ पद्धतीवर

राज्‍यातील सरकारी खाती, अनुदानप्राप्‍त संस्‍था, महामंडळे आणि स्‍वायत्त संस्‍थांमध्‍ये एकूण ५,४०८ कर्मचारी कंत्राटी, अर्धवेळ पद्धतीवर काम करीत आहेत.

सरकारी खात्‍यांमध्‍ये ६३४ पुरुष आणि ७७७ महिला, अनुदानप्राप्‍त संस्‍थांमध्‍ये १,४३४ पुरुष आणि १,४४० महिला, महामंडळांमध्‍ये ८३५ पुरुष आणि २०४ महिला, तर स्‍वायत्त संस्‍थांमध्‍ये ३२ पुरुष आणि ५२ महिला कंत्राटी तसेच अर्धवेळ पद्धतीवर काम करीत असल्‍याचे अहवालातून दिसून येते.

विवाहित, अविवाहित कर्मचारी

खाती विवाहित अविवाहित न सांगितलेले एकूण कर्मचारी

सरकारी ३४,८९१ ९,०२८ २ ४३,९२१

अनुदानप्राप्‍त संस्‍था १२,८४७ २,९७७ ५ १५,८२९

महामंडळे २,६९९ ६७२ १ ३,३७२

स्‍वायत्त संस्‍था ६१८ २३० ० ८४८

एकूण ५१,०५५ १२,९०७ ८ ६३,९७०