Goa Lok Sabha Election: लोकसभेची निवडणूक जाहीर झाली आहे आणि ७ मे रोजी मतदान होणार आहे. खासदार म्हणून निवडून येणाऱ्या व्यक्तीला आजन्म निवृत्ती वेतन तर मिळतेच; पण खासदारपदी असताना महिना ५० हजार रुपयांच्या वेतन व शिवाय १ लाख ५१ हजार रुपये भत्ता मिळतो.

याचा अर्थ वर्षाला १८ लाख २२ हजार रुपये केवळ भत्त्यापोटी मिळतात. आपल्या देशातील दरवर्षीचे प्रतिव्यक्ती उत्पन्न पाहिले तर ते जवळजवळ ९८ हजार ३७४ रुपये आहे.

म्हणजेच साधारणपणे प्रत्येक भारतीय वर्षभरात तेवढी रककम कमावतो. परंतु त्याच नागरिकांनी निवडलेल्या नेत्याला मात्र त्‍यांच्या वर्षाच्या उत्पन्नापेक्षा जास्त उत्पन्न दर महिन्याला मिळते.

या लोकप्रतिनिधींना वेतनाव्यतिरिक्त एवढे भत्ते मिळतात अशी कल्‍पना कोणीही केलेली नसेल. एका खासदाराला दरमहा १ लाख ४० हजार रुपये निश्चितपणे मिळतात.

ज्यावर त्यापेक्षा जास्त भत्ता दिला जातो. निश्चित वेतन आणि भत्ते जोडले तर एका खासदाराला एका महिन्याला २ लाख ९१ हजार ८३३ रुपये मिळतात.

म्हणजेच देशाला एक खासदार वार्षिक ३५ लाख रुपयांना पडतो. शिवाय या उत्पन्नावर प्राप्तीकर (इन्कमटॅक्स) भरावा लागत नाही आणि अन्य सुविधाही मोफत दिल्या जातात.

कुटुंबीयांनाही सुविधा

खासदाराच्‍या कुटुंबातील व्यक्तींनाही अनेक सुविधा दिल्या जातात. यात जोडीदारासह ३४ मोफत विमानप्रवास, अमर्याद रेल्वेप्रवास आणि संसद अधिवेशनादरम्यान घरापासून ते दिल्लीपर्यंतचे ८ विमानप्रवासही समाविष्ट आहेत.

एका खासदाराला ५० हजार युनिट मोफत वीज, १ लाख ७० हजार दूरध्वनीवरील मोफत कॉल्स, ४० लाख लिटर पाणी, राहण्यासाठी सरकारी बंगला (ज्यात सर्व फर्निचर आणि एअर कंडिशन, शिवाय त्यांची देखभाल) मिळतो.