Goa Economic Survey 2023: मोपा येथे बांधलेल्या मनोहर आंतरराष्ट्रीय विमानतळामुळे गोव्याची अर्थव्यवस्था वाढीसाठी अनुकूल स्थितीत आहे.

आगामी 2023-24 या आर्थिक वर्षात गोव्याच्या अर्थव्यवस्थेत 10.33 टक्के वाढ अपेक्षित आहे, असे राज्याच्या आर्थिक पाहणी अहवालात म्हटले आहे. मंगळवारी विधानसभेत हा अहवाल सादर करण्यात आला.

या वाढीमध्ये मोपा येथील विमानतळासह राज्य सरकारची विविध धोरणे कारणीभूत असणार आहेत. त्यामध्ये उच्च शिक्षणासाठी विविध शैक्षणिक संस्थांची उभारणी, राज्याचे पर्यटन धोरण, राज्यातील खाणी या क्षेत्रांचा प्रामुख्याने मोठा सहभाग राहिल, असे या आर्थिक पाहणी अहवालात म्हटले आहे.

गोव्याचे दरडोई उत्पन्न 2021-22 या वर्षात 5,27,146 रुपये झाले आहे. 2017-18 मध्ये ते 4,54,172 रुपये होते तर 2020-21 मध्ये 4,86,851 रुपये असे वाढले होते.

दरम्यान, गोवा-IPB ने एप्रिल 2022 ते जानेवारी 2023 या काळात 11 नवीन औद्योगिक प्रकल्पांना मंजुरी दिली आहे. या उपक्रमांमधून एकूण 1187.95 कोटी गुंतवणूक अपेक्षित आहे आणि 4697 लोकांना रोजगार मिळणार आहे, असेही अहवालात म्हटले आहे.