Goa: पेडणे मतदारसंघ (Pernem Constituency) राज्यातील एक क्रमांकाचा मतदारसंघ बनवुया. त्यासाठी सर्वानी सहकार्य करावे  असे आवाहन उपमुख्यमंत्री बाबू आजगावकर (Deputy CM Babu Ajgaonkar) यांनी येथे बोलताना केले.जुन महिन्यात बांधकाम सुरु असलेल्या मोपा विमानतळाची माती शेती व बागायतीत घुसुन नुकसानी झालेल्या शेतकऱ्यांना नुकसान भरपाईचे धनादेश वितरीत (Cheques issued) कार्यक्रमात ते बोलत होते.यावेळी  अमेरे पोरस्कडे व उगवे येथील १२० शेतकऱ्यांना एकूण १६ लाख रूपयांची नुकसानभरपाई देण्यात आली.याप्रसंगी .व्यासपीठावर जि प सदस्य मनोहर धारगळकर, नगराध्यक्ष उषा नागवेकर, चांदेल हसापुरचे सरपंच संतोष मळिक ,उगवेचे माजी सरपंच शशिकांत महाले हे उपस्थित होते.

पुढे बोलताना उप मुख्यमंत्री बाबू आजगावकर प म्हणाले कि, पुर्वी धारगळ मतदारसंघात कसल्याही मूलभूत सोइसुविधा नव्हत्या. मी धारगळ मतदारसंघातुन निवडून आल्यावर पाणी, रस्ते अशा अनेक सोइसुविधा उपलब्ध करुन तर दिल्याच पण या व्यती रिक्त वाड्यावाड्यावर गाव जोडण्यासाठी नवीन रस्ते व पूल बांधीतले. सगळ्यानाच नोकऱ्या मिळणे शक्य नसले तरी शक्य तितक्या नोकऱ्या मिळवून दिल्या. रोजगारी ही मुख्य समस्या असून मोपा विमानतळ, आयुष इस्पितळ, क्रिकेट स्टेडियम अशा प्रकल्पातून येत्या काळात अनेक नोकऱ्या उपलब्ध होणार आहेत. मोपा विमानतळ आम्ही खेचून आणला आहे. त्यासाठी आमच्या शेतकऱ्यांनी आपल्या जमीनी दिल्या आहेत.म्हणून जमीनी दिलेल्यानाप्रथम,नंतर या भागातील स्थानीक, तालुक्यातील अशांना नोकऱ्यांत प्राधान्यअसेल. पण त्यासाठी जागृत रहाण्यासाठी माझी आवश्यकता आहे. संतोष मळिक यांनी सूत्रसंचालन करून अभार मानले.