गोवा सरकारच्या उर्जा विभागाने आज (दि.25) मोठा निर्णय घेतला असून, 31 जुलैपासून ईलेक्ट्रिक वाहन प्रोत्साहन योजना (Promotion of electric vehicle) बंद होणार आहे. त्यामुळे एक ऑगस्टपासून खरेदी होणाऱ्या वाहनांवर सबसिडी (Subsidy) मिळणार नाही. या निर्णयाचा ईलेक्ट्रिक वाहन खरेदीवर परिणाम होण्याची शक्यता आहे. (Goa discontinues Promotion of electric vehicle scheme)

नव आणि अक्षय उर्जा विभागाने घेतलेल्या निर्णयानुसार, 31 जुलै 2022 पासून राज्यात ईलेक्ट्रिक वाहन प्रोत्साहन योजना बंद केली जाईल. डिसेंबर 2021 ते 31 जुलै 2022 या कालावधीत खरेदी केलेल्या ईलेक्ट्रिक वाहनांवर सबसिडी मिळणार आहे. त्यानंतर खरेदी केलेल्या वाहनांवर सबसिडी लागू होणार नाही. दुचाकी, तीनचाकी आणि चारचाकी वाहनांसीठी हा नियम लागू आहे. म्हणजेच एक ऑगस्टपासून खरेदी केलेल्या ईलेक्ट्रिक वाहनांवर सबसिडी मिळणार नाही.

केंद्रिय सरकार ईलेक्ट्रिक वाहन खरेदी आणि वापरासाठी प्रोत्साहन देत आहे. त्यानुसार अनेक वाहन कंपन्या देखील मार्केटमध्ये आल्या आहेत. राज्य सरकारकडून मिळणारी सबसिडी यामुळे नागरिक ईलेक्ट्रिक वाहन खरेदीचा निर्णय घेत आहेत. दरम्यान, गोवा सरकारच्या या निर्णयामुळे येत्या काळात ईलेक्ट्रिक वाहनांच्या खरेदीवर कसा परिणाम होतो हे पाहणे महत्वाचे ठरणार आहे.