Goa Crime: हणजुणेतील गोवन स्पाईस रेस्टॉरंटच्या पार्किंग लॉटमध्ये दोघा जणांना गोवा पोलिसांनी अटक केली आहे. या दोघांकडे अमली पदार्थ आढळून आले आहेत. त्याची किंमत सुमारे एक लाख रूपये इतकी आहे.

मंगळवारी २६ डिसेंबर रोजी दुपारी वाजता ही कारवाई करण्यात आली. रायबंदर क्राईम ब्रँचने एनडीपीएस अॅक्टनुसार गुन्हा दाखल केला आहे. पोलिस निरीक्षक विकास देयकर यांनी याप्रकरणी फिर्याद दाखल करून घेतली.

येथे किशोर मंगेश दिवकर (वय 41) याला अटक करण्यात आली आहे. तो मूळचा सांकवाडी, हडपडे, बार्देश येथील रहिवासी आहे.

त्याच्याकडे तपकिरी रंगाच्या 10 टॅबलेट्स आढळून आल्या. त्या गोळ्या म्हणजे एक्स्टॅसी टॅबलेट्स हा अमली पदार्थ आहे, असा संशय आहे. त्याचे वजन 4.445 ग्रॅम इतके आहे.

गुरूदास जोतिबा भातकांडे (वय 33) याच्याकडेही अशाच प्रकारच्या एकूण ९ टॅबलेट्स सापडल्या. त्याचे वजन 3.944 ग्रॅम आहे.

तो मूळचा बामणवाड्डो, शिवोली येथील रहिवासी आहे. या दोघांकडे सापडलेल्या एकूण अमली पदार्थांचे एकूण वजन 8.389 ग्रॅम असून त्याची बाजारातील किंमत 1 लाख रूपये होते.