Sexual Assault on Minor: फातर्पा सरकारी शाळेत काही दिवसांपूर्वी एका 9 वर्षाच्या मुलीवर PE शिक्षकाने विनयभंग केल्याचा धक्कादायक प्रकार घडला होता. बरेच दिवस उलटून गेले तरी याप्रकरणी कोणतीच कारवाई झाली नव्हती.

अखेर काल रात्री सदर शिक्षकाला अटक करण्यात आली आहे.

याप्रकरणी पालकवर्गात मोठ्या प्रमाणात असंतोष निर्माण झाला आहे. अखेर कुंकळ्ळी पोलिसांनी आरोपी शिक्षक रमेश गावकर (45, केपे) याला काल रात्री अटक केली आहे.

माहितीनुसार, शिक्षक एका माजी सरपंचाचा नातेवाईक असल्याचे सांगण्यात येत आहे. त्यामुळे हे प्रकरण दाबण्यासाठी पोलिसांवर राजकीय दबाव आणल्याचे कळते. याबाबत पालक आक्रमक झाले असून ते मोठ्या प्रमाणात ते शाळेबाहेर गोळा झाले होते.