गोवा पोलिसांच्या गुन्हे शाखेनं पुन्हा एकदा धडक कारवाई करत बेकायदेशीर दारू साठवणुकीचा मोठा पर्दाफाश केला आहे. केळीनी-उसगाव परिसरातील एका गोदामावर छापा टाकून पोलिसांनी तब्बल ५०० दारूच्या बॉक्सचा साठा जप्त केला आहे.

समोर आलेल्या माहितीनुसार, ही दारू मोठ्या प्रमाणात राज्याबाहेर तस्करीसाठी तयार ठेवण्यात आली होती का? याचा तपास सुरू आहे. या कारवाईनंतर परिसरात खळबळ उडाली असून पोलिसांकडून पुढील चौकशी सुरू आहे.

गुन्हे शाखेच्या विशेष पथकाला या ठिकाणी बेकायदेशीर दारूचा साठा असल्याची माहिती मिळाल्यानंतर तत्काळ कारवाई करण्यात आली. छापा टाकला असता, गोदामाच्या आतील भागात ५०० दारूच्या बॉक्सचा साठा सापडला.

या प्रकरणात पोलिसांनी चार संशयितांना ताब्यात घेतलं आहे. या प्रकरणाचा पुढील तपास पोलिसांकडून सुरू आहे. पोलिसांच्या या कारवाईमुळे गुन्हे शाखेच्या कार्यक्षमतेचे पुन्हा एकदा दर्शन घडलंय.