Goa Cricket Assosiation: गोवा क्रिकेट असोसिएशनची वार्षिक सर्वसाधारण सभा आज, रविवारी पार पडली. यात संघटनेतील 107 क्लबकडून धारगळ येथील नियोजित आंतरराष्ट्रीय क्रिकेट स्डेडियमचे बांधकाम लवकरात लवकर सुरू करा, असा ठराव करण्यात आला.

गोवा क्रिकेट असोसिएशनचे अध्यक्ष विपुल फडके यांनी ही माहिती दिली.

आंतरराष्ट्रीय क्रिकेट स्टेडियम हे धारगळ येथेच व्हावे. आणि लवकरात लवकर त्याचे भूमिपूजन केले जावे. तातडीने कामास सुरवात करावी. हवे तर गोवा क्रिकेट असोसिएशनची मॅनेजिंग कमिटी दर महिन्याला या बांधकामाचा अहवाल देत राहिल, असेही सांगण्यात आले आहे.

दरम्यान, गतवर्षीच्या वार्षिक सर्वसाधारण सभेला विलंब होऊन ती याच वर्षी मार्चमध्ये झाली होती. त्यातही असाच ठराव करण्यात आला होता. आता पुन्हा यंदाच्या वार्षिक सभेत पुन्हा तसाच असा ठराव करण्यात आला आहे.