पणजी: कोरोनाची तिसरी लाट आता जवळपास ओसरली असून गोव्याची कोरोना मुक्तीच्या दिशेने वाटचाल सुरू आहे. गुरुवारी कोरोना संक्रमणाचा दरही 0.26 टक्के इतका खाली आला, तर सक्रिय रुग्णांची संख्या 38 इतकी झाली. (Today's Goa Corona Update)

आज 14 जण कोरोनातून बरे झाले. गेल्या 24 तासांत केवळ नवे 2 बाधित रुग्ण सापडले. राज्यात आतापर्यंत 2 लाख 45 हजार 267 नागरिकांना कोरोनाची बाधा झाली असून यापैकी 2 लाख 41 हजार 399 रुग्ण बरे झाले. हे रुग्ण बरे होण्याचे प्रमाण 98.42 टक्के इतके आहे. सध्या राज्यात 38 सक्रिय रुग्ण असून एकूण मृत्यूचा आकडा 3 हजार 830 कायम आहे. गुरुवारी 757 संशयित रुग्णांच्या चाचण्या केल्या. त्यापैकी दोघांना कोरोनाची लागण झाल्याचे स्पष्ट झाले.