Goa Corona Update: गोव्यात कोरोनाच्या तिसऱ्या लाटेमुळे सरकारने काही निर्बंध लावले आहे. महिन्याभरात रुग्णसंख्येने उच्चांक गाठला होता. त्यात भरीला ओमिक्रॉन रुग्णही वाढत होते. तुलनेत कोरोना रुग्णसंख्या (Corona Patient) काही दिवसात कमी होताना दिसत आहे. परंतु तरीही या रुग्णसंख्येत सातत्य नसल्याचे चित्र आहे. कारण कालच्या तुलनेत आज काही प्रमाणात कोरोना रुग्ण वाढले आहेत.

त्यामुळे जोपर्यंत ही रुग्णसंख्या पूर्णपणे कमी होत नाही तोपर्यंत प्रत्येकाने काळजी घेणे आणि सरकारने (Goa Government) आणि आरोग्य विभागाने (Health Department) दिलेल्या नियमांचे पालन करणे अत्यंत आवश्यक आहे. यासाठी सरकारतर्फे सर्वतोपरी प्रयत्न सुरू आहेत. आज दिवसभरात 1794 जण नवे कोरोनाबाधित आढळून आले आहेत. तर 8 जणांचा कोरोनामुळे मृत्यू (Corona Death) झाला आहे. मात्र पॉझिटिव्हिटी दर काही प्रमाणात कमी म्हणजे 29.91% इतका आहे.

• नवे कोरोनाबाधित : 1794

• बरे झालेल्यांची संख्या : 2522

• ॲक्टीव्ह रुग्णसंख्या : 18197

• आजवर एकूण मृतांची संख्या : 3623

• आज मृत झालेल्यांची संख्या : 8

• आज कोविड चाचणी केलेल्यांची संख्या : 5997

• डिस्चार्ज घेतलेले रुग्ण : 55

• पॉझिटिव्हिटी दर : 29.91%