वास्को: राज्य भाजप सरकार डबल इंजिनच्या नावाखाली फक्त भ्रष्टाचार वाढविला आहे. मध्यम वर्गीयाबरोबर गरीब जनतेला सत्ताधारी सरकारने महागाईच्या खाईत टाकलेले आहे. येत्या विधानसभा निवडणुकीत (Goa Assembly Elections 2022) गोव्यात काँग्रेस पक्ष सत्ता स्थापन करून सामान्य जनतेच्या सेवेला प्रथम प्राधान्य देणार असल्याचे प्रतिपादन कुठ्ठाळी मतदार संघाचे काँग्रेस उमेदवार (Congress Candidate) ओलेन्सियो सिमाईश यांनी केले.
कुठ्ठाळीचे गोवा प्रदेश काँग्रेसचे उमेदवार यांनी आपल्या कार्यकर्त्यांसह कासावली, वेलसांव, सांकवाळ, झुआरी नगर, बिर्ला, कुठ्ठाळी व इतर ठिकाणी घरोघरी प्रचार (Election Campaign) करण्यास सुरुवात केली. काँग्रेस उमेदवार सिमाईश यांना कुठ्ठाळी येथील विविध भागात वाढता प्रतिसाद लाभत आहे. कोविड-19 (Covid-19) नियमाचे पालन करून सिमाईश आपला प्रचार प्रत्येक घरोघरी करीत आहे.
याप्रसंगी बोलताना कोठ्ठाळीचे काँग्रेस उमेदवार सिमाईश म्हणाले की वाढत्या महागाईमुळे प्रत्येक जण आर्थिकरित्या कमजोर झाला असून, याला पूर्णपणे जबाबदार सत्ताधारी सरकारचे नेते असल्याचा आरोप सिमाईश यांनी केला. कुठ्ठाळी मतदार हा पूर्वी काँग्रेसचा बालेकिल्ला होता. तो पुन्हा मिळवण्यासाठी मी प्रयत्न करत आहे. काँग्रेस सत्तेत आल्यास येथे रोजगार वाढविण्या बरोबर प्राथमिक आरोग्य केंद्र उत्तम दर्जाचे करून देण्यासाठी प्रयत्न करणार असल्याची माहिती त्यांनी दिली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
