साखळी: शेतकऱ्यांना सन्मानाचे जीवन देत असतानाच क्रेडिट कार्डची सोय करून दिली आहे. या क्रेडिट कार्डद्वारे शेतकरी शेती गहाण न ठेवता बँकांमधून किमान एक लाख रुपयांपर्यंतचे कर्ज घेऊ शकतो. जर कोणती बँक शेतकऱ्यांना हे कर्ज देण्यास मनाई करत असेल तर थेट विभागीय कृषी अधिकारी किंवा माझ्या कार्यालयाशी संपर्क साधा, असे आवाहनही मुख्यमंत्री डॉ. प्रमोद सावंत यांनी केले.

साखळी येथे पंतप्रधान किसान सन्मान निधी योजनेच्या कार्यक्रमात ते बोलत होते. प्रधानमंत्री किसान सन्माननिधी योजनेअंतर्गत पंतप्रधान नरेंद्र मोदी यांनी देशभरातील शेतकऱ्यांप्रती प्रेम व्यक्त केले आहे. गोव्यात आतापर्यंत या योजनेद्वारे सुमारे ६ हजार शेतकऱ्यांच्या बँक खात्यांवर सुमारे २४ कोटी रुपये जमा केले आहेत.

2 हजार रूपये जमा झाले

राज्यातील प्रत्येक शेतकऱ्याच्या खात्यावर आजपर्यंत १ लाख २० हजार रुपये जमा झाले असून आज एकाच दिवशी २ हजार रुपयांप्रमाणे राज्यातील ६ हजार शेतकऱ्यांच्या बँक खात्यावर सुमारे १ कोटी २० लाख रुपये जमा झाले आहेत.

आधार कार्डद्वारे तपासा बॅलन्स (How To check PM Kisan balance?)

पीएम किसान सन्मान निधीच्या लाभार्थ्यांनी प्रथम पीएम किसान वेबसाइटवर जावे. त्यानंतर तेथे बेनिफिशअरी स्टेटसवर (Beneficiaey Status) क्लिक करा. आता तुमचा आधार क्रमांक आणि खाते क्रमांक विचारात टाका. तुम्ही दोघांपैकी कोणतीही माहिती देऊन पुढे जाऊ शकता. गेट डेटा वर क्लिक करताच, लाभार्थ्यांची यादी दिसेल. तसेच, पेमेंटचे तपशील दिसतील.