Arvind Kejriwal Goa AAP
गोवा

'खराब रस्त्यांच्या दुरुस्तीची सुरू, 15 दिवसांत काणे पूर्ण होणार'; आपच्या निवेदनानंतर CM सावंतांची माहिती

Goa News: राज्य सरकारने याची गंभीर दखल घेत रस्त्यांवरील खड्डे बुजवावे तसेच खराब झालेल्या रस्त्यांची कामे लवकरात लवकर पूर्ण करावी, अशी मागणी 'आप'कडून होत आहे.

गोमंतक ऑनलाईन टीम

पणजी: राज्यातील खराब झालेल्या रस्त्यांच्या दुरुस्तीची कामे सध्या सुरू असून, येत्या १५ दिवसांत ती पूर्ण केली जातील, अशी हमी मुख्यमंत्री डॉ. प्रमोद सावंत यांनी सोमवारी दिली. आम आदमी पक्षाने (आप) रस्त्यांच्या दुरुस्तीबाबत सादर केलेल्या निवेदनानंतर ते पत्रकारांशी बोलत होते.

विविध भागांतील रस्त्यांच्या दुरवस्थेवरून 'आप'ने गेल्या काही दिवसांपासून आंदोलन छेडले आहे. मुख्य तसेच अंतर्गत मार्गांवर मोठमोठे खड्डे पडलेले आहेत. त्याचा फटका वाहनचालकांना बसत असून, त्यामुळे रस्ते अपघातही वाढत आहेत. राज्य सरकारने याची गंभीर दखल घेत रस्त्यांवरील खड्डे बुजवावे तसेच खराब झालेल्या रस्त्यांची कामे लवकरात लवकर पूर्ण करावी, अशी मागणी 'आप'कडून होत आहे.

यासंदर्भात 'आप'च्या नेत्यांनी राज्यभर सह्यांची मोहीमही राबवली होती. या मोहिमेला राज्यभरातून उत्स्फूर्त प्रतिसाद मिळून सुमारे एक लाख नागरिकांनी आपापल्या भागातील रस्ते खराब असल्याची तक्रार केलेली आहे.

नागरिकांच्या रस्त्यांच्या तक्रारींची दखल घेत, खराब रस्त्यांची लवकरात लवकर डागडुजी करण्यात यावी तसेच रस्त्यांवरील खड्डे बुजवण्यात यावेत, अशी मागणी 'आप'ने निवेदनाद्वारे मुख्यमंत्री डॉ. सावंत यांच्याकडे केली. त्यावर राज्यातील सर्वच रस्त्यांची कामे येत्या चार दिवसांत सुरू करण्याची हमी मुख्यमंत्र्यांनी आम्हाला दिली असल्याची माहिती 'आप'चे राज्य संयोजक अमित पालेकर यांनी पत्रकारांशी बोलताना दिली.

रस्त्यांची कामे सुरु; मुख्यमंत्री

'आप'च्या नेत्यांनी मंत्रालयात येऊन आपल्याला खराब रस्त्यांसंदर्भात निवेदन सादर केलेले आहे. राज्यातील अनेक भागांतील रस्त्यांची कामे सध्या सुरू आहेत. पुढील १५ दिवसांत ती पूर्ण केली जातील, असे मुख्यमंत्री डॉ. प्रमोद सावंत यांनी सांगितले.

राज्यातील खराब रस्त्यांबाबत 'आप'ने 'भाजपचे बुराक' आंदोलन छेडत, सहह्यांची मोहीम राबवली. या आंदोलनात दिल्लीचे माजी मुख्यमंत्री अरविंद केजरीवाल, दिल्लीच्या माजी मुख्यमंत्री आणि गोव्याच्या प्रभारी आतिषी, राज्य संयोजक अमित पालेकर यांच्यासह पक्षाचे इतर सहभागी झाले होते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT