CM Pramod Sawant At Kesarval Waterfall: राज्यात पावसाने जोरदार बॅटिंग करायला सुरवात केल्यानंतर सर्व नद्यांना दुथडी भरून वाहू लागल्या आहेत. त्यामुळे नद्या, मोठे ओहोळ यांवरील धबधबेदेखील प्रवाहीत झाले आहेत. त्या पार्श्वभुमीवर राज्यात वर्षा पर्यटनाला सुरवात झाली आहे. दरम्यान, गोव्याचे मुख्यमंत्री डॉ. प्रमोद सावंत यांनीही आज, शुक्रवारी केसरवाल धबधब्याला भेट दिली.

मुख्यमंत्र्यांनी वर्षा पर्यटनाच्या अनुषंगाने या धबधबा ठिकाणाची माहिती घेतली. या वेळी त्यांच्यासमवेत आमदार अँटिनिओ वास आणि अधिकारीदेखील उपस्थित होते. येथील सोयी-सुविधांची पाहणी केली, तसेच अधिकाऱ्यांना सोयीसुविधांच्या अनुषंगाने विविध सूचना केल्या.