Goa Budget 2023 Fire and Emergency Services : मागील काही दिवसांपासून गोव्यात राज्यभर आगीच्या घटनांनी अक्षरश: थैमान घातले आहे. खासकरून जंगलात सुरू असलेल्या अग्नितांडवामुळे सगळ्यांचीच चिंता वाढवली होती. यामध्ये कस लागला तो अग्निशमन आणि आपत्कालीन सेवा विभागाचा.

अग्निशमन दलाच्या जवानांनी यामध्ये महत्वाची भूमिका पार पडली आहे. आज (29 मार्च) विधानसभेत सादर करण्यात आलेल्या 2023-24 साठीच्या अर्थसंकल्पात मुख्यमंत्र्यांनी अग्निशमन आणि आपत्कालीन सेवा खात्यात काही तरतूदी केल्या आहेत.

अग्निशमन आणि आपत्कालीन सेवा खात्यात तरतूदी:

• यंदा या खात्यासाठी सरकारतर्फे 129.19 कोटींची तरतूद करण्यात आली आहे.

• यामध्ये आधीच्या तुलनेत 21.56 टक्क्यांनी वाढ करण्यात आली आहे.

• मुख्यमंत्र्यांनी सांगितल्याप्रमाणे गृह मंत्रालयाद्वारे सामायिक केलेले आपत्कालीन सेवा विधेयक 2023 हे सर्वसमावेशक असून ते गोव्यातील अग्निशमन आणि आणीबाणीच्या सर्व बाबींची पूर्तता करेल.

• अग्निशमन पायाभूत सुविधा मजबूत करण्यासाठी एकूण 44.03 कोटींचा निधी मंजूर करण्यात आला आहे.

• याअंतर्गत पेडणेतील अग्निशमन केंद्राचे स्थलांतर करण्यात येणार आहे.

• काणकोण अग्निशमन केंद्रासाठी नवीन जमीन शोधण्याचे काम सध्या सुरू आहे.

• डिचोली आणि वाळपई येथील अग्निशमाच्या कामांना गती देण्यात येणार आहे.

• अति उंच इमारतींमध्ये अग्निशमन बचाव कार्यासाठी 42 मीटर टर्न टेबल शिडी खरेदी करणार असल्याचे मुख्यमंत्र्यांनी सांगितले.