डिचोली: सरकारची कामगिरी आणि भाजपचे संघटनात्मक कार्य यामुळे राज्यात (Goa) पुन्हाही भाजपचेच (BJP) सरकार सत्तेवर येईल. असा विश्वास गोवा राज्य भाजप महिला मोर्चाची अध्यक्ष डॉ. शीतल नाईक (Dr. Sheetal Naik) यांनी डिचोलीत बोलताना व्यक्त केला. डिचोली मतदारसंघ (Bicholim Constituency) भाजपची महिला मोर्चा समिती जाहीर केल्यानंतर उपस्थित महिला कार्यकर्त्यांना मार्गदर्शन करताना त्या बोलत होत्या.

आगामी निवडणुकीत डिचोली मतदारसंघातून पुन्हा भाजप उमेदवाराला निवडून आणण्यासाठी महिला कार्यकर्त्यांनी कामाला लागावे. असे आवाहनही डॉ. नाईक यांनी केले. यावेळी डिचोलीच्या उपनगराध्यक्ष तनुजा गावकर, राज्य महिला मोर्चाची सरचिटणीस शिल्पा नाईक, सदस्य तथा डिचोलीच्या नगरसेविका दीपा शेणवी शिरगावकर, डिचोली भाजप मंडळाचे अध्यक्ष विश्वास गावकर आदी उपस्थित होते. शिल्पा नाईक यांनीही भाजप संघटन कार्यावर भर देत असल्याचे सांगितले. स्वागत विश्वास गावकर यांनी केले. सूत्रसंचालन डॉ. कौस्तुभ पाटणेकर यांनी केले.

डिचोली महिला मोर्चाच्या अध्यक्षपदी शर्मिला पळ

यावेळी शर्मिला मिलिंद पळ यांच्या अध्यक्षतेखाली डिचोली भाजप महिला मोर्चा समिती जाहीर करण्यात आली. समिती पुढीलप्रमाणे- अध्यक्ष-शर्मिला पळ, उपाध्यक्ष- विमल मिश्रा, सोनाली बिर्जे आणि कुंदा च्यारी. सरचिटणीस-सपना शिरोडकर, सचिव-राजेश्वरी मळीक, नीता सिन्हा आणि आनंदी परब. सभासद-वंदना गावकर, वर्षा साळकर, अनुजा मणेरीकर, श्रुती घाटवळ, संक्रीता देसाई, दीपा पळ आणि सिया गाड.