फोंडा : कल्लपवाडा - उसगाव येथे उत्खनन करणाऱ्या जेसीबीचालकाने निष्काळजीपणे वाहन हाकून रस्त्याकडेच्या वीज खांबाला जोरदार धडक दिली. या धडकेनिशी वीज खांब उन्मळून पडला. मात्र, त्याचबरोबर लगतचे इतर चारही वीज खांब जमीनदोस्त झाले. बुधवारी दुपारी ही घटना घडली.
वीज खांब कोसळल्यामुळे शॉर्टसर्किट होऊन रस्त्यालगतच्या काजू बागायतीला आग लागली. त्यात मोहोराला आलेली काजू बागायती भस्मसात झाली. त्यामुळे संबंधित शेतकऱ्याला साधारण ऐशी हजार रुपयांचे नुकसान झाले. आग भडकल्यानंतर फोंड्यातील अग्निशामक दलाला पाचारण केले.
त्यांनी घटनास्थळी धाव घेऊन आग आटोक्यात आणली. बागायती जळून खाक झाल्याने शेतकऱ्यांचे मोठे नुकसान झाले. पाच खांब उन्मळून पडल्यामुळे वीज खात्याचे सुमारे दोन लाख रुपयांचे नुकसान झाले. अपघातानंतर पळून जाणाऱ्या जेसीबीचालकाला पोलिसांनी ताब्यात घेतले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.