पणजी: गोव्यातील (Goa) खाण व्यवसाय सुरू करण्यासाठी खाणपट्ट्यांचा लवकरच लिलाव पुकारण्यात येईल आणि विधानसभेच्या अधिवेशनात खनिज महामंडळ स्थापन करण्यासाठी विधेयक मंजूर करण्यात येईल अशी माहिती मुख्यमंत्री डॉ प्रमोद सावंत (Chief Minister Dr Pramod Sawant) यांनी येथे दिली.

ते म्हणाले सर्वोच्च न्यायालयाने फेरविचार याचिका फेटाळली आहे कारण ती उशिराने दाखल करण्यात आली होती. आता त्या 88 खाणपट्टे यांचा लिलाव करण्याचा मार्गही मोकळा झाला आहे. राज्यातील धनगर गवळी समाजाला आदिवासींचा दर्जा देण्यासाठी केंद्रीय गृहमंत्रालयातून आता प्रयत्न करण्यात येतील आणि तो दर्जा त्यांना लवकरात लवकर मिळेल असेही मुख्यमंत्र्यांनी सांगितले.