पणजी: गोव्यात मुख्यालय असलेल्या आयटी कंपनी किलोवॉटने (Kilowott) नॉर्वे देशात पुरस्कृत होऊन गोव्याचे नाव उंचावले आहे. किलोवॉटने ट्रान्सफॉर्म मॅगझिनकडून सर्वोत्कृष्ट नामकरण आणि ब्रँड स्ट्रॅटेजीमध्ये रौप्य आणि डिजिटल मालमत्तेच्या सर्वोत्तम वापरासाठी कास्यपदक जिंकले.

या पुरस्कारांद्वारे ट्रान्सफॉर्म मॅगझिनने डेन्मार्क, नॉर्वे, स्वीडन, फिनलंड आणि आइसलँडचा समावेश असलेल्या नॉर्डिक प्रदेशात ब्रँड विकास आणि पुनर्ब्रँडिंग करण्याचा प्रयत्न करणाऱ्या कंपन्यांना प्रोत्साहन दिले आहे.

किलोवॉटच्या डिलिव्हरी टीमच्या प्रमुख आरती रायकर म्हणाल्या, कंपनीच्या (Company) सर्व कर्मचऱ्यांनी एकत्रित काम केल्याने आम्ही हा पुरस्कार जिंकू शकलो. ही सर्वांची सफलता आहे. कंपनीच्या कर्मचऱ्यांमध्ये असलेला संवाद आणि उद्योगातील आमच्या व्यापक अनुभवामुळे आम्हाला हे यश मिळाले आहे. खरंच, संवाद महत्त्वाचा आहे," आरती म्हणाल्या. किलोवॉटचे सीईओ नितीश रायकर यांनी आनंद व्यक्त केला. ते म्हणाले, हा पुरस्कारने किलोवॉट टीमचे मनोबल वाढवले आहे.

दरम्यान गोव्याचे (Goa) मुख्यमंत्री डॉ. प्रमोद सावंत (Pramod Sawant) यांनी किलोवॉट कंपनीचं कौतुक केलं आहे. ट्विट करुन गोव्याचं नाव सातासमुद्रापार पोहोचवणाऱ्या कंपनीचं मुख्यमंत्र्यांनी अभिनंदन केलं आहे