Banastarim Bridge Accident: बाणस्तारी येथे झालेल्या दुर्दैवी अपघाताला कारणीभूत ठरलेली ती आलिशान मर्सिडीज कार कोण चालवत होते? परेश सावर्डेकर की त्यांची पत्नी मेघना, याबद्दल अजूनही संभ्रम आहे.

ज्‍या दिवशी अपघात झाला, त्याक्षणी नेमके कोण कोणत्या सीटवर बसले होते, हे निश्चित करण्यासाठी आज मेघना आणि तिच्या तीन मुलांची ‘सीट पोझिशन’ चाचणी न्यायवैद्यक विभागाने घेतली.

निष्कर्ष ठरणार महत्त्वाचा

1 मेघना आणि तिच्या मुलांना आज मडगाव येथे आणण्यात आले होते. त्या सर्वांना एका गाडीतील वेगवेगळ्या सीटवर बसवले.

2 अपघाताच्या दिवशी गाडीला बसलेल्या जोरदार धक्क्याने अंगावर उमटलेल्या खुणा कुठल्या सीटवर बसलेल्या स्थितीत होऊ शकतात याची वेगवेगळ्या आयामांतून पडताळणी करून घेतली.

3 या सर्व प्रक्रियेचे छायाचित्रण करून घेण्‍यात आले आहे. त्‍यावर आधारित अहवाल तपास यंत्रणेला सादर केला जाईल.

मृत फडते दांपत्याच्या मुलाने केले छायाचित्रण

या चाचणीच्या छायाचित्रणासाठी न्यायवैद्यक प्रयोगशाळेतून आज तीन छायाचित्रकारांना बोलावले होते. त्यात अपघातात ज्या फडते दांपत्याचा मृत्‍यू झाला, त्‍यांच्‍या पुत्राचा समावेश आहे. तो न्यायवैद्यक विभागात काम करतो.