वाळपई: सत्तरी (Satari) तालुक्यातील चोर्ला (Chorla)  घाटात अवजड वाहनांना 1 जुलै ते 31 डिसेंबर पर्यंत बंदी लागू करण्यात आली आहे. तसा आदेशही जिल्हाधिकाऱ्यांनी (Collector) काढलेला आहे. चोर्ला घाटात वाहतुकीचा नेहमीच ताण असतो. अवजड वाहनांचीही रीघ असते. त्यामुळे वारंवार अपघात होत असतात. मे महिन्यात 28 तारखेला एक अवजड वाहतूक ट्रक केरी येथील एका दुकानात घुसला होता.

''साळ नदी पुनरुज्जीवन प्रकल्प डिसेंबरपर्यंत पूर्ण करणार''

गेल्या वर्षीही अवजड वाहनांमुळे चोर्लात समस्या निर्माण झाली होती. आजपर्यंत बंदीचा आदेश हा केवळ कागदावर काढला जातो आहे. त्याची कडक अंमलबजावणी केली जात नाही. गेल्या काही काळात चोर्लात बंदीचा आदेश असूनही अवजड वाहनांची ये जा सुरुच होती.