Goa Assembly Monsoon Session राज्यातील गृहआधार योजनेचा लाभ घेणाऱ्या महिलांना पतीच्या निधनानंतर दयानंद सामाजिक सुरक्षा योजनेचाही (डीएसएसवाय) लाभ मिळणार असून ती रक्कम 2,500 रुपये असणार आहे. त्यामुळे गृहआधारचे दीड आणि डीएसएसवायचे अडीच असे चार हजार रुपये विधवा महिलेस मिळतील.

यासंबंधीची फाईलमध्ये काही त्रुटी होत्या, त्या वित्तखात्याकडून त्वरित केल्या जातील आणि ही योजना जेवढ्या लवकर अमलात येईल, असे आश्‍वासन मुख्यमंत्री प्रमोद सावंत यांनी दिले.

आमदार गणेश गावकर यांनी विधवा महिलांना पेन्शन मिळावी, ही लक्षवेधी सूचना मांडली होती. समाजकल्याण मंत्री सुभाष फळदेसाई यांनी सभागृहात सांगितले, 18 वर्षांखालील मुले असलेल्या विधवा महिलांनाच याचा लाभ मिळेल. डीएसएस अंतर्गत विधवा लाभार्थ्यांना गृहआधार अंतर्गत दीड हजार रुपये देण्यास सरकारने तत्त्वतः मान्यता दिली आहे.

विधवा निवृत्ती वेतन म्हणून त्यांना अडीच हजार रुपयेही मिळतील, असे त्यांनी सांगितले. मंत्री म्हणाले, ही फाईल वित्त विभागाकडे प्रलंबित आहे आणि राज्यावर अतिरिक्त बोजा पडण्याबाबत प्रश्न उपस्थित केला.

तथापि, हा प्रस्ताव सरकारच्या विचाराधीन कळंगुटचे आमदार मायकल लोबो यांनी सरकारला लाडली लक्ष्मी आणि गृह आधार योजनांसाठी अर्जांचा मोठा अनुशेष दूर करून लाभार्थ्यांना प्राधान्याने रक्कम वितरित करण्याची विनंती केली.

ज्या उद्देशासाठी दोन्ही योजना तयार करण्यात आल्या होत्या, तो उद्देश रक्कम देण्यास विलंब झाल्यास बाजूला राहील, असेही ते म्हणाले.