Bicholim: गोव्यात आम आदमी पक्ष (AAP) सत्तेवर आल्यास गोव्यातही दिल्ली 'मॉडेल' (Delhi Model) राबविण्यात येईल. अशी ग्वाही 'आप' चे नेते आणि दिल्ली सरकारमधील समाज कल्याण खात्याचे मंत्री राजेंद्रपाल गौतम (AAP Leader & Delhi Minister Rajendrapal Gautam) यांनी शिरगाव-डिचोली (Shirgaon - Bicholim) येथे बोलताना दिली आहे. दिल्लीच्या धर्तीवर गोमंतकीयांना मोफत वीज (Free Electricity) देण्याची 'आप'ने घोषणा केल्यानेच आता मोफत पाणी देण्याची (Free Water) घोषणा करणे गोवा सरकारला (Goa Govt) भाग पडले आहे. असेही त्यांनी म्हटले आहे. गोव्यात 'आप' ला उज्वल भवितव्य असून, गोमंतकीय जनता या पक्षाला नक्कीच स्विकारतील. असा विश्वासही त्यांनी व्यक्त केला. (Goa Assembly Election 2022)

मंत्री राजेंद्रपाल गौतम यांनी शुक्रवारी शिरगाव गावात भेट देवून लाखो भक्तगणांचे श्रद्धास्थान असलेल्या देवी श्री लईराई देवीचे दर्शन घेवून श्रींचे आशीर्वाद घेतले. यावेळी त्यांच्यासमवेत कालच 'आप'मध्ये प्रवेश केलेले शिवसेनेचे माजी राज्य प्रमुख उपेंद्र गावकर हे होते. मंत्री श्री. गौतम यांनी श्री लईराई देवस्थानबद्दल माहितीही जाणून घेतली. देवीचे आशीर्वाद घेतल्यानंतर मंत्री श्री. गौतम यांनी त्याठिकाणी उवस्थित असलेल्या कार्यकर्त्यांशी औपचारिक संवाद साधला. दरम्यान, दिल्लीला जाण्याच्या लगबगीमुळे मंत्री श्री. राजेंद्रपाल गौतम कुडणे येथील कार्यक्रमास उपस्थित राहू शकले नाहीत. असे उपेंद्र गावकर यांनी सांगितले आहे.