Goa Archbishop extends Ganesh Chaturthi wishes: गणेशोत्सवाला सोमवारी 19 सप्टेंबरपासून सुरवात होत आहे. त्या पार्श्वभुमीवर गोवा आणि दमणचे आर्चबिशप फिलिप नेरी कार्डिनल फेर्राव यांनी गोव्यातील नागरिकांना या उत्सवाच्या शुभेच्छा दिल्या आहेत.

फादर फेर्राव यांनी आपल्या संदेशात म्हटले आहे की, या सणामध्ये आपल्या प्रगतीतील अडथळे दूर करणे आणि एकात्मतेला प्रोत्साहन देणे आवश्यक आहे.

आमचे हिंदू बांधव गणेश चतुर्थी हा पारंपरिक सण मोठ्या धार्मिक उत्साहाने, भक्तिभावाने आणि आनंदाने साजरा करतात. त्यामुळे मी या राज्यातील प्रत्येक हिंदू नागरिकाला शुभेच्छा देतो. गेल्या काही काळात गोव्यातील धार्मिक सलोख्याला गालबोट लागण्याच्या घटना समोर आल्या होत्या. त्या पार्श्वभुमीवर फादर फेर्राव यांनी दिलेल्या या शुभेच्छांना महत्व आहे.