Goa Drugs Case: गुरुवारी 25 जानेवारी रोजी शिवोली आणि हडफडे येथील ग्राहकांना गांजा विकण्यासाठी आलेल्या आंध्र प्रदेशातील दोघांना हणजूण पोलिसांनी ताब्यात घेतलाय.

पोतनूरी श्रीनिवास (वय 29 रा. विशाखापट्टणम, आंध्र प्रदेश) आणि थमदला जगदीश (वय 26, वाकापल्ले, आंध्र प्रदेश) अशी त्या ताब्यात घेतलेल्यांची नावे असून त्यांच्याकडून सुमारे दोन लाखांचा गांजा पोलिसांनी जप्त केलाय.

आंध्रप्रदेशातून दोन व्यक्ती गोव्यात गांजा विकण्यासाठी येणार असल्याची माहिती पोलिसांना मिळाली होती त्यानुसार पीएसआय साहिल व्ही. वारंग यांच्या नेतृत्वाखाली पोलिसांनी सापळा रचत शोध मोहीम सुरु केली होती.

दरम्यान आज या दोघांकडे पोलिसांना अमली पदार्थ आढळून आल्यावर पोलिसांनी त्या दोघांना ताब्यात घेतले असून त्यांच्यावर हणजूण पोलीस ठाण्यात दोन एफआयआर दाखल करण्यात आले आहेत.

या कारवाईत पीएसआय साहिल व्ही. वारंग याच्या सहित पीएसआय साहिल व्ही. वारंग यांच्या नेतृत्वाखाली पीएसआय स्वप्नील नाईक, पोलीस हवालदार महेंद्र मांद्रेकर, रूपेश आजगावकर, शांबा शेटगावकर, दीपेश चोडणकर, लक्ष्मण सावलदेसाई, मयूर घाडी, शानू राऊत आणि सत्येंद्र नसनोडकर या पोलीस पथकाने ही कारवाई केलीय.

गोव्यात अंमली पदार्थ तस्कराची टोळी असण्याची शक्यता असून पोलिसांनी शोधमोहीम सुरु केली आहे.

परराज्यातून येणाऱ्या सर्व गाड्या तपासणी नाक्यावर तपासल्या जात असून पोलिसांची महत्वाच्या शहरांसह गोव्याच्या किनारी भागात रात्रीची गस्त मोहीम सुरु आहे.