Goa Accidental Death: गोव्यातील वाढत्या अपघातांमुळे सरकारची डोकेदुखी वाढली आहे. वाहतूक विभागातर्फे वारंवार वाहतूक नियमांचे पालन करण्याचा सल्ला देण्यात येतो. याबाबत स्वत: मुख्यमंत्री प्रमोद सावंत यांनीही वाहनचालकांना बेदरकारपणे वाहन चालवण्याबाबत फटकारले आहे.

मिळालेल्या माहितीनुसार, उसगांव येथे रविवारी रात्री एका कारची दोन खांबाला जोरदार धडक बसली. यामध्ये कारचालक किरकोळ जखमी झाल्याचे सांगण्यात येत आहे. याबाबत अधिक माहिती मिळाली नाही.

तर दुसरीकडे, 15 एप्रिल रोजी बेतोडा येथे एक अपघात घडला. यात एक महिला रस्त्यावरील गतिरोधकावर पडून गंभीर जखमी झाली होती. बालकिश केदार शेख (वय 42) असे या महिलेचे नाव आहे. स्कूटरवरुन जात असताना गतिरोधकावर पडल्याने महिला गंभीर जखमी झाली होती. अपघातानंतर बांबोळी येथे उपचार घेत असता सोमवारी सकाळी तिचा मृत्यू झाला आहे.

दरम्यान, दोनापावला - बांबोळी मार्गावर रविवारी पहाटे मोठा अपघात झाला आहे. मालवाहू ट्रक रस्त्याकडेला पलटी झाला असून, ट्रकचा चक्काचूर झाला आहे.

पहाटेच्या सुमारास झालेल्या या अपघातात कोणतीही जीवितहानी झालेली नाही.