फोंडा: अपघातांचे वाढते प्रमाण लक्षात घेता सतर्कता ही गरज बनली आहे. मंगळवारी (३०डिसेंबर) ला पहाटेच्या वेळी फोंडा तालुक्यातील शिरोडा येथे एक भीषण अपघात घडला. एका दुचाकीस्वराला वाचवण्याचा प्रयत्न करत असलेल्या ट्रक ड्रायव्हरचे नियंत्रण सुटले आणि त्याने थेट एका घराला धडक दिली. वाजे येथे ठिकाणी पहाटे २ वाजताच्या सुमारास घडलेल्या या घटनेने सगळीकडेच चिंतेचे वातावरण निर्माण केले आहे.

हा अपघात जरी भयंकर असला तरीही सुदैवाने यात घरातील कुठल्याही मंडळींना किंवा ट्रक ड्राइव्हरला इजा झाली नाही, मात्र दुचाकीचालकाला मार बसल्याने उपचारांसाठी गोवा वैद्यकीय महाविद्यालयात हलवण्यात आले आहे.

अचानक ट्रकने घराला धडक दिल्याने बरीच पडझड झाली आणि परिणामी घरमालक घरात अडकून पडला होता, मात्र त्याला मदत पुरवण्यात आल्याने सुखरूप बाहेर काढण्यात आले. हा प्रकार जरी आटोक्यात असला तरीही अशा अपघातांमुळे रस्ता सुरक्षेबाबत प्रश्न निर्माण झाला आहे.