रस्‍त्‍यावरील पट्टे रंगविण्यासाठी साहित्य घेऊन आलेल्‍या एका मालवाहू रिक्षाला बुधवारी दुपारी सारझोरा (कुंकळ्‍ळी) येथे एका भरधाव वेगाने आलेल्‍या कारची धडक बसल्‍याने रिक्षाचालक ठार झाला, तर कारमध्ये बसलेले दोघेजण जखमी झाले. मृत चालकाचे नाव सुरेश चिप्‍पण असे आहे.
हा अपघात बुधवारी सायंकाळी ४.३० वाजण्‍याच्‍या सुमारास घडला. रस्‍त्‍यावरील पांढरे पट्टे रंगविण्यासाठी लागणारे साहित्य घेऊन ही रिक्षा तेथे आली होती. त्याचवेळी पाठीमागून भरधाव गतीने येणाऱ्या इर्टिगा गाडीने रिक्षाला जोरदार धडक दिली.
कारने रिक्षाला दिलेली धडक जबरदस्‍त होती की, कार उलटी पडून तिचा अक्षरश: चेंदामेंदा झाला. या कारमध्ये दोघेजण बसले हाेते. ते दोघेही जखमी झाले असून त्‍यांच्‍यावर उपचार सुरू आहेत. जखमींची नावे सायंकाळपर्यंत मिळाली नाहीत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.