Goa Accident Death: राज्यात दिवसेंदिवस अपघाताच्या घटना वाढतच चालल्या आहेत. पणजीतील सांतिनेज परिसरात झालेल्या अपघातात एका वयस्कर नागरिकाचा दुर्दैवी मृत्यू झाला आहे. यामुळे परिसरात हळहळ व्यक्त होत आहे.

उपलब्ध माहितीनुसार, सांतिनेज परिसरातील काकुलो मॉलजवळ स्वामी मुथ्थू नावाचे ज्येष्ठ नागरिक रस्ता ओलांडत असताना मॉलच्या दिशेने येणाऱ्या युवतीच्या दुचाकीने त्याना धडक दिली. पिंकी सिंग (23) असे तिचे नाव आहे.

कांपाल येथील एमआरएफ दुकानासमोर हा अपघात घडला. यामध्ये स्वामी मुथ्थू हे जबर जखमी झाले. अपघातानंतर त्यांना त्वरित रुग्णालयात हलवण्यात आले. मात्र तोवर त्यांचा मृत्यू झाला होता.

उपस्थितांनी दिलेल्या माहितीनुसार, युवती बेदरकारपणे दुचाकी चालवत असल्यामुळेच हा अपघात घडला आहे. दरम्यान, युवतीविरोधात पोलीस स्थानकात गुन्हा नोंद करण्यात आला असून पोलीस अधिक तपास करत आहेत.