सावईवेरे ः (Goa-Savoiverem) पावसामुळे आलेल्या पुरात बाझारवडा-खांडेपार (Bazarwada Khandepar) येथील रस्त्याच्या सखल भागात असलेल्या एकूण सात घरांत पुराचे पाणी शिरल्याने येथील कुटुंबियांचे मोठे नुकसान झाले आहे. पूर आणि पाऊस यामुळे संजय नाईक यांचे घर पूर्णपणे जमीनदोस्त झाले. (house Collapse) तर निलेश पर्वतकर यांच्या घरात अचानक पुराचे पाणी शिरल्याने घरातील बहुतेक सर्वच वस्तू पाण्यात वाया गेल्या. घरातील फ्रिज, (Refrigerate) टी. व्ही., (T. V.) मिक्सर, (Mixer) विजेच्या वस्तू (Electric Items) खराब होण्याबरोबरच भांडी, कपडे, अंथरूण व अन्य वस्तू पुराच्या पाण्यात सापडल्या. संजय नाईक यांचे कुटुंब शांतादुर्गा देवस्थान जवळील त्यांच्या नातेवाईकांकडे राहू लागले आहेत. तर नीलेश पर्वतकर यांचे कुटुंब दिवसा घरात तर रात्री दोन तीन दिवस मार्शेल येथे सासुरवाडीला राहत आहेत.

विठ्ठल खांडेपारकर, परेश नागेशकर, प्रभाकर नाईक, प्रकाश नाईक यांच्या घरात पावसाचे पाणी आल्याने घरातील अनेक वस्तू, कपडे, पुराच्या पाण्यात वाहून गेले आहेत. कुर्टी-खांडेपारचे तलाठी प्रसाद बोरकर यांनी पाहणी करून पंचनामा केला आहे.