राज्यातील प्रमुख आणि महत्वाच्या असलेल्या गोवा वैद्यकीय महाविद्यालय आणि रूग्णालयातील बालरोग वॉर्डच्या स्वच्छतागृहाची अवस्था दयनीय असल्याचा आरोप आप नेत्या सेसिल रॉड्रिग्ज यांनी केला आहे. सेसिल यांनी याबाबत एक व्हिडिओ करून आरोग्यमंत्री विश्वजीत राणे यांना याबाबत माहिती देत, एक आवाहन देखील केले आहे.

सेसिल रॉड्रिग्ज काय म्हणाल्या?

'आरोग्यमंत्री विश्वजीत राणे GMC ला शेवटची भेट कधी दिली होती. विशेषत: लहान मुलांसाठी असलेल्या बालरोग वॉर्ड 135 ला, या वार्डमधील असलेल्या स्वच्छतागृहाची अवस्था दयनीय आहे. कमोडची मोडतोड झाली असून, तो कार्यरत नाही. तसेच, शेजारच्या दुसऱ्या स्वच्छतागृहाची परिस्थिती देखील बिकट असून, त्याच्या भिंती अस्वच्छ आहेत. ज्या लहान मुलांच्या आरोग्यासाठी चांगल्या नाहीत असे सेसिल यांनी म्हटले आहे.'

'तसेच, येथील बेसिन दोन बंद करण्यात आले असून, फक्त एकच कार्यरत आहे.' असे सेसिल यांनी म्हटले आहे.

गोमेकॉत उपचारासाठी जाणाऱ्या आपल्या मुलांना आपण अशा प्रकारची सुविधा पुरवत आहे. आरोग्यमंत्री राणे यांनी याप्रकरणाची दखल घ्यावी असे आवाहन सेसिल यांनी केले आहे. तसेच, गोमेकॉतील उच्च प्रशासनाने देखील यात लक्ष घालून सुविधा पूर्ववत कराव्यात असे त्यांनी म्हटले आहे. कारण लोकांना आपण अशा प्रकारची आश्वासने दिलेली नाहीत असे त्यांनी म्हटलंय.

गोमेकॉत येणाऱ्या लोकांना उत्तम सुविधा देणे आपली जबाबदारी आहे. रूग्णालयातील अशा लहान गोष्टींकडे लक्ष देणे तेथील प्रशासन आणि उच्च पदस्थ लोकांची जबाबदारी आहे. असे सेसिल यांनी त्यांच्या व्हिडिओत म्हटले आहे.