Goa CM Pramod Sawant Birthday

गोव्याचे मुख्यमंत्री डॉ. प्रमोद सावंत यांनी आज आपला 51वा वाढदिवस साजरा केला. दोन्ही मतदाररसंघात भाजपला निवडून द्या, हीच माझ्यासाठी वाढदिवसाची आपल्याकडून भेट असेल, असे मुख्यमंत्री डॉ. प्रमोद सावंत यांनी नेते, कार्यकर्ते, हितचिंतकांच्या शुभेच्छा स्वीकारताना सांगितले.

आज (बुधवारी) सकाळी साखळी मंदिरात जाऊन त्यांनी अभिषेक केला व आपल्या घरी कार्यकर्त्यांची भेट घेऊन त्यांच्या शुभेच्छा स्वीकारल्या.

मुख्यमंत्री प्रमोद सावंत यांनी आज वाढदिवसानिमित्त सपत्नीक साखळी येथे श्री महालक्ष्मी देवीस अभिषेक करत, अशिर्वाद घेतले.

मुख्यमंत्री प्रमोद सावंत यांना पंतप्रधान नरेंद्र मोदी यांनी देखील सकाळी वाढदिवसानिमित्त शुभेच्छा दिल्या. गोमन्तकीयांच्या इच्छा पूर्ण करण्यासाठी तसेच गोव्यात बदल घडविण्यासाठी सावंत कष्ट घेत आहेत. त्यांच्या दिर्घ आयुष्य आणि सदृढ आरोग्यासाठी मी प्रार्थना करतो, अशा शुभेच्छा पंतप्रधान नरेंद्र मोदी यांनी दिल्या.

मुख्यमंत्री सावंत यांनी शुभेच्छांचा स्विकार करत, तुमचे नेतृत्व आणि मार्गदर्शन मला विकसीत भारत, विकसीत गोवा या ध्येयाप्रती काम करण्यास प्रोत्साहन देतो. मी गोमन्तकीयांच्या विकासाठी सदैव प्रयत्नशील असेन, असे मुख्यमंत्री सावंत यांनी मोदींच्या शुभेच्छा स्विकार करत आभार मानले.