पणजी: निवडणुकीपूर्वी उमेदवारांना पक्षांतर करणार नाही, यासाठी देवाची शपथ दिली होती. परंतु, पक्षांतराचे वादळ पुन्हा सक्रिय झाले आहे. काँग्रेसने यासाठी भाजपवर निशाणा साधला आहे. देवाची शपथ मोडणाऱ्यांना पक्षात घेण्याची इच्छा दाखवून भाजपकडून देवाचा अपमान केला जात आहे, असा आरोप कॉँग्रेसचे माजी प्रदेशाध्यक्ष गिरीश चोडणकर यांनी केला आहे.

(Girish Chodankar accuses BJP of insulting God)

कॉँग्रेसचे माजी प्रदेशाध्यक्ष गिरीश चोडणकर यांनी काही काँग्रेस कार्यकर्त्यांसह जाऊन पणजीतील महालक्ष्मीच्या मंदिरात जाऊन पक्षांतर करण्याची शपथ मोडणाऱ्यांना सदबुद्धी देण्याचे ‘सांगणे’ केले.

चोडणकर यांनी सांगितले, काही जण पक्षांतरासाठी आतूर झाले आहेत. त्यासाठी आज येथे येऊन आम्ही सांगणे केले आहे. भाजपकडून सध्या देशात हिंदू धर्म आणि देवांच्या नावा राजकारण सुरू आहे. आता मंदिरात शपथ घेतलेल्यांना पक्षात घेण्यासाठी त्यांच्याकडून पाठिंबा दिला जात आहे. त्यांना खरोखर हिंदू धर्माची काळजी असेल, तर त्यांनी देवाची शपथ घेतलेल्यांना पक्षांतर करण्यापासून रोखले पाहिजे. मात्र, शपथ मोडणाऱ्यांना पक्षात घेण्याची इच्छा दाखवून भाजप उलट देवाचा अपमान येत आहे, असे चोडणकर म्हणाले.