Goa Ganeshchaturthi 2023: देळे-काणकोण येथील श्री मल्लिकार्जुन आणि श्री चेतन मंजू देसाई महाविद्यालयाच्या सांस्कृतिक समितीतर्फे घुमटगाज स्पर्धा आयोजित करण्यात आली होती. या स्पर्धेला विद्यार्थ्यांचा उत्स्फूर्त प्रतिसाद लाभला. स्‍पर्धेत प्रथम वर्ष वाणिज्य शाखेला प्रथम क्रमांक प्राप्‍त झाला.

विद्यार्थ्यांची सांस्कृतिक घडणघडण व्हावी या उद्देशाने आयोजित केलेल्या या स्पर्धेत ८७ घुमट कलाकारांनी प्रत्यक्ष सहभाग घेतला. प्रभारी प्राचार्य डॉ. सुचेता नाईक यांनी उपस्थितांचे स्वागत केले.

स्‍पर्धेत तृतीय वर्ष वाणिज्य शाखेला द्वितीय तर तृतीय वर्ष कला शाखेला तृतीय बक्षीस प्राप्‍त झाले. स्पर्धेचे परीक्षण डॉ. पूर्णानंद च्यारी, केवल नाईक आणि संपदा नाईक देसाई यांनी केले.

कार्यक्रमाचे समन्वयक डॉ. मिथिल फळदेसाई यांनी स्वागत केले तर सांस्कृतिक सचिव समर्थ कोमरपंत यांनी सूत्रसंचालन केले. समन्वयक डॉ. रुपा चारी यांनी शेवटी आभार मानले.

वैयक्तिक बक्षिसांचे मानकरी

उत्कृष्ट घुमटवादक : पहिले बक्षीस सागर देसाई (तृतीय वर्ष, वाणिज्य) तर दुसरे बक्षीस निसर्ग म्हाळशी (प्रथम वर्ष, वाणिज्य) याला मिळाले. उत्कृष्ट शामेळवादक म्हणून पहिले बक्षीस सुमीत पागी (प्रथम वर्ष, वाणिज्य), दुसरे बक्षीस विशाल भंडारी (तृतीय वर्ष, वाणिज्य) यांना प्राप्त झाले. उत्कृष्ट गायक बक्षी रोहित देसाई (प्रथम वर्ष, विज्ञान) व रश्मिता सुधीर (तृतीय वर्ष, कला) यांना अनुक्रमे बक्षिसे मिळाली.