पणजी: मडगाव येथील गौतम वेर्लेकर व राहुल प्रभुदेसाई यांनी लडाखमधील माऊंट कांग यात्से १ व २ शिखर मोहीम यशस्वीपणे पूर्ण केली. गोव्यातील गिर्यारोहकांसाठी हे वर्ष महत्त्वपूर्ण ठरले आहे.
२३ ते २७ ऑगस्ट या कालावधीत शंभर तासांत (पाच दिवस) ६,२०० मीटरपेक्षा जास्त उंचीची दोन शिखरे सर करणारा राहुल हा गोव्यातील पहिलाच गिर्यारोहक ठरला. गोवा अल्पाईन क्लबतर्फे मोहीम आखण्यात आली होती आणि त्यास बूट्स अँड क्रॅम्पन्सच्या पाठिंबा लाभला. मोहिमेसाठी नायमलिंग येथे ५,१०० मीटरवर तळ उभारण्यात आला होता.
गोव्यातील गिर्यारोहकांसाठी हे वर्ष एक महत्त्वपूर्ण ठरले आहे. यावर्षी माऊंट एव्हरेट सर करणारा पहिला गोमंतकीय हा मान पंकज नार्वेकर याने मिळविला. करिश्मा वेर्लेकर हिने ‘माऊंट मेरा’वर एकटीने चढाई केली. राहुल वेर्लेकर चार्टर्ड अकाउंटंट असून गोवा स्टेट इंडस्ट्रीज असोसिएशनचा (जीएसआयए) सक्रिय व्यवस्थापकीय सदस्य आहे. राहुल प्रभुदेसाई तरुण उद्योजक असून गोव्यातील अव्वल गिर्यारोहक आहे. तो माउंट एव्हरेस्टच्या दक्षिण शिखरावर पोहोचणारा पहिला गोमंतकीय आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.