Panaji Vidyut Bhavan Garbage Issue  Dainik Gomanatk
गोवा

Panaji Vidyut Bhavan: पणजीत विद्युत भवनाबाहेर पिशव्यांचा ढीग, कर्मचाऱ्यांत चिंता

Panjim Garbage Issue: कित्येक दिवसांपासून या इमारतीत कचऱ्याच्या पिशव्यांचा ढीग पडलेले आहेत

गोमन्तक डिजिटल टीम

पणजी: विद्युत भवनच्या इमारतीसमोर अनेक प्रमुख कार्यालये आहेत. तसेच विद्युत भवनमध्ये असलेल्या कॅन्टीनमध्ये खाण्यासाठी आणि जेवणासाठी अनेक कर्मचारीदेखील येत असतात. मात्र गेल्या कित्येक दिवसांपासून याच इमारतीत कचऱ्याच्या पिशव्यांचा ढीग पडलेले आहेत. पावसात डासांसाठी हे घर सरकारी इमारतीत तयार झाल्याने येथे येणाऱ्यांना आरोग्याची भीती सतावू लागली आहे. त्यामुळे कचऱ्याचा हा ढीग काढून त्याची योग्य ठिकाणी विल्हेवाट लावावी, अशी मागणी येथील कर्मचाऱ्यांनी केली आहे.

महिनाभर हा ढीग इथेच असल्याने आपल्या आरोग्याबद्दल प्रत्येकांच्या मनात शंका निर्माण होऊ लागल्या आहेत. या पिशव्यांमध्ये साचलेले पाणी डासांसाठी एक आदर्श प्रजनन भूमी प्रदान करू शकत असल्याने तसेच जोरदार पाऊस सुरू असल्याने ही समस्या विशेषतः चिंताजनक आहे.

शहराच्या मध्यभागी असलेले विद्युत भवन हे एक महत्त्वाचे सरकारी केंद्र म्हणून काम करते. कचऱ्याची कुरूप आणि संभाव्य धोकादायक परिस्थिती पाहता सार्वजनिक आरोग्याच्या चिंतेचा हा विषय आता वाढू लागला आहे. अजून याकडे दुर्लक्ष करणे शक्य होत नाही आणि याचा त्रास आम्हाला होत असल्याची माहिती नाव न सांगण्याच्या अटीवर एका सरकारी कर्मचाऱ्यांनी दिली.

या परिसरात कचऱ्याचे योग्य व्यवस्थापन होत नसल्याबद्दल देखील नाराजी व्यक्त केली जात आहे. पाऊस जोरात सुरू असताना या ढीगामुळे रोगांचा धोका वाढला आहे यावर शंका घेणे शक्य नाही. सार्वजनिक जागांवर आरोग्य संकट टाळण्यासाठी संबंधित अधिकाऱ्यांनी या समस्येकडे तातडीने लक्ष देणे अत्यावश्यक आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Siolim: वस्तू पळवायला घरात घुसल्या, स्थानिकांनी ठेवले झाडाला बांधून; शिवोलीत 2 परप्रांतीय महिलांना गावकऱ्यांनी घडवली अद्दल

FDA Raid: दिवाळीसाठी मिठाई घेताय? मग काळजी घ्या! गोव्यात ‘एफडीए’कडून अस्वच्छ कलाकंद, मावा, बर्फी जप्त

Goa Politics: रवी नाईकांनंतर राज्यभरात सर्वमान्य असे नवे नेतृत्व कोण? चाचपणी सुरु; मार्चमध्ये पोटनिवडणूक शक्य

Goa Tiger Reserve: गोव्यात 'डरकाळी' घुमणार की नाही? व्याघ्र प्रकल्पाबाबत केंद्रीय समितीने जाणून घेतले संबंधितांचे म्हणणे

रोजच्या वापरातील खाण्याच्या तेलामुळे स्तनाचा कर्करोग होऊ शकतो? अभ्यासातून समोर आली धक्कादायक नवी माहिती

SCROLL FOR NEXT