गोव्यात सध्या ड्रग्ज, गांजा यांची विक्री करण्याच्या घटना घडत असून गोवा पोलीस आणि अबकारी विभाग याबाबत सतर्क झाला आहे, पोलिसांच्या सतर्कतेमुळे रोज नवनवीन घटना उघडकीस येत आहेत. अशीच एक घटना आज हडफडे येथे घडली आहे.

हणजूण पोलिसांनी हडफडे येथे छापा टाकून दीड लाखांचा दीड किलो गांजा जप्त केल्याची घटना आहे. याप्रकरणी संशयित अरविंद चव्हाण (वय ३६, रा. गौरवाडा, कळंगुट) याला ताब्यात घेऊन अंमलीपदार्थ प्रतिबंधक कायद्याखाली गुन्हा नोंदवण्यात आल्याची प्राथमिक माहिती प्राप्त झाली आहे.

गोव्यात अवैध व्यवसाय सर्रास सुरु असून अनेकदा ड्रग्स सारख्या अमली पदार्थ जप्त केल्याच्या घटनाही घडत आहे. यात स्थानिकांसोबत परप्रांतीयदेखील सहभागी असल्याचे निदर्शनास आलेय.

गोव्याचा आंतरराष्ट्रीय ड्रग्स व्यवसायाशी अनेकदा संबंध प्रस्थापित झालाय. असे व्यवहार पूर्णत: उखडून काढण्यासाठी राष्ट्रीय अंमली पदार्थविरोधी विभागाबरोबर शेजारील राज्यांशी समन्वयाची आवश्‍यकता आहे. तरच असे व्यवहार करणाऱ्या टोळीपर्यंत पोहोचता येते.