दाबोळी : उद्या पासून सुरु होणाऱ्या सर्वांचे लाडके बाप्पाचे आगमन होत आहे. त्या गणेश चतुर्थीच्या (Ganesh Chaturthi)निमित्ताने वास्कोच्या अनबिटेबल डान्स अकादमीतर्फे (Unbeatable Dance Academy)गणेश आरती संग्रहाचे विमोचन करण्यात आले. आरती संग्रह सोहळा हा हॉटेल सुप्रीम मध्ये आयोजित करण्यात आला होता. या प्रसंगी रवींद्र भवन वास्कोचे अध्यक्ष जयंत जाधव हे प्रमुख पाहुणे म्हणून उपस्थित होते. या प्रमुख अतिथी म्हणून रवींद्र भवन चे उपाध्यक्ष डॉ.धमेंद्र प्रभूदेसाय ,मुरगाव नगरपालिकेचे नगरसेवक सुदेश भोसले ,विनोद किनळेकर, अमय चोपडेकर, अनबिटेबल डान्स अकादमीचे संचालक तुषार वळवईकर, समाजसेवक रवी आमोणकर, उद्योजक देवेंद्र देव, सुनील शेट सर, सुप्रिम हॉटेलचे व्यवस्थापक समीर पाल्लेदार ,अनबिटेबल डान्स अकादमीच्या विश्वास रेखा वळवईकर, प्रवेश आमोणकर व इतर मान्यवर या कार्यक्रम प्रसंगी उपस्थित होते.

प्रमुख पाहुणे जयंत जाधव यावेळी बोलताना म्हणाले, अनबिटेबल डान्स अकादमीचे संचालक (Director)तुषार वळवईकर यांची स्तुती करत ते एक उत्तम कलाकार असून त्यांनी आपल्या अकादमीच्या 21 वर्षाच्या कारकिर्दीत शेकडो युवक कलाकार घडवले आहेत. त्यांना उत्तम व्यासपीठ मिळवून दिल्याचे सांगितले. याप्रसंगी साधना मुकूदन, सुरेश भोसले ,विनोद केळकर ,देवेंद्र देव ,समीर पल्लेदार व सुनील शेट यांनी आपले मनोगत व्यक्त केले. या कार्यक्रमाची सुरुवात मान्यवरांच्या हस्ते दीप प्रज्वलन करून झाली. यावेळी सूत्रसंचालन प्रवेश आंबेडकर यांनी केले.