G20 New Delhi summit 2023 
गोवा

दिल्लीत G20 शिखर परिषद मग गोवा, मसुरी, आग्रा, हरिद्वार येथील हॉटेल्स फुल्ल का झालीयेत?

G20 मुळे दिल्लीतील शाळा, महाविद्यालये, कार्यालये आणि बँका तीन दिवसांसाठी बंद ठेवण्यात आली आहेत.

Pramod Yadav

G20 New Delhi summit 2023: भारतात प्रथमच G20 शिखर परिषदेचे आयोजन करण्यात आले आहे. G20 परिषदेसाठी जगभरातून पाहुणे भारतात दाखल झाले आहेत. राजधानी दिल्लीत 9 आणि 10 तारखेला G20 शिखर परिषद होणार आहे.

G20 मुळे दिल्लीतील शाळा, महाविद्यालये, कार्यालये आणि बँका तीन दिवसांसाठी बंद ठेवण्यात आली आहेत. यामुळे दिल्लीकरांना मौजमजा करण्यासाठी तीन दिवसांची सुट्टी मिळाली आहे.

तीन दिवसांचा लॉग वीकेंड साजरा करण्यासाठी दिल्लीकर बाहेर पडले आहेत. G20 मुळे केवळ दिल्लीतच नाही तर जयपूर, नैनिताल, मसुरी, गोवा, ऋषिकेश, आग्रा, अमृतसर, हरिद्वार, वैष्णोदेवी येथेही हॉटेल बुकिंगची मागणी वाढली आहे. इतर दिवसांच्या तुलनेत दिल्ली आसपासच्या पर्यटन स्थळांवर हॉटेल बुकिंग 25 ते 30 टक्क्यांनी वाढले आहे.

'दिल्लीतील लोक सलग तीन दिवस सुट्टीसाठी बाहेर गेले आहेत. गोवा, जयपूर, आग्रा, अमृतसर, मसुरी या शहरांतून सर्वाधिक मागणी आहे. भूस्खलनामुळे लोक हिमाचल प्रदेशात जाणे टाळत आहेत. मात्र, उत्तराखंडमधील शहरांना भेट देणाऱ्यांची संख्या बरीच जास्त आहे. तसेच, नैनितालमध्ये जवळपास 75 टक्के हॉटेल्स बुक झाली आहेत.' अशी माहिती इंडियन असोसिएशन ऑफ टूर ऑपरेटर्सचे अध्यक्ष राजीव मेहरा यांनी एका हिंदी वृत संकेतस्थळाला दिली आहे.

G20 मुळे दिल्लीतील लोकांना मिळालेल्या सुट्टीचा ते पुरेपूर फायदा घेत आहेत. दिल्लीपासून जवळचे पर्यटनस्थळ असलेल्या मसुरीत दिल्लीकरांनी गर्दी केली आहे. साधारणपणे हा ऑफ सिझन असतो, पण सलग तीन दिवसांच्या सुट्यांमुळे डोंगरांची राणी मसुरी पुन्हा गजबजली आहे. येथील 80 टक्के हॉटेल्सचे बुकिंग पूर्ण झाले आहे.

दिल्लीतील लाँग वीकेंडमुळे पर्यटनस्थळी हॉटेल्सच्या मागणीत 25 ते 30 टक्के वाढ झाली आहे. हॉटेल, गेस्ट हाऊस आणि होम स्टेसाठी सर्वाधिक बुकिंग झाले आहे. G20 ने हॉटेल उद्योगाला मोठी चालना दिली आहे. कोरोनामुळे हॉटेल उद्योगाला सर्वाधिक फटका बसला होता, परंतु G20 ने त्याची भरपाई केली. असे तज्ञांचे म्हणणे आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT