साहित्यिक, पत्रकार, कोकणी चळवळीतले कार्यकर्ते व साहित्य अकादमी पुरस्कारप्राप्त कवी संजीव वेरेकर यांच्या पार्थिवावर शनिवारी संध्याकाळी 5 वाजता शोकाकूल वातावरणात सावईवेरे येथील स्मशानभूमीत अंत्यसंस्कार करण्यात आले. त्यांची मोठी मुलगी स्नेहा हिच्याद्वारे अंत्यविधी पार पडला.
वेरेकर यांचे पार्थिव दुपारी अडीचच्या सुमारास मधलावाडा-सावईवेरे येथे त्यांच्या निवासस्थानी आणल्यावर अंत्यदर्शनासाठी ठेवण्यात आले. यावेळी राजकीय, पत्रकारिता, साहित्य व विविध क्षेत्रांतील मान्यवर उपस्थित होते.
त्यात प्रामुख्याने राज्यसभा खासदार विनय तेंडुलकर, माजी खासदार नरेंद्र सावईकर, माजी वीजमंत्री निर्मला सावंत, काँग्रेसचे माजी प्रदेशाध्यक्ष गिरीश चोडणकर, गोमन्तकचे संपादक-संचालक राजू नायक, ज्येष्ठ पत्रकार सुरेश वाळवे, कोकणी साहित्यिक एन. शिवदास, दिलीप बोरकर, मुकेश थळी, उदय म्हांबरे, प्रकाश नायक, गोरख मांद्रेकर, सुभाष जाण, कोकणी भाषा मंडळाच्या अध्यक्षा अन्वेशा सिंगबाळ, माजी अध्यक्ष चेतन आचार्य यांचा समावेश होता.
उपस्थित सर्वांनी संजीव वेरेकर यांच्या निधनाबाबत शोक व्यक्त करून त्यांच्या कुटुंबीयांना या धक्क्यातून सावरण्याची शक्ती मिळो अशी प्रार्थना केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.