Goa Crime News मडगाव येथे 2002 साली ताजुद्दिन नुरानी यांच्या घरावर घातलेल्या दरोड्या नंतर फरार झालेल्या हबीब अहमद (59) याला मडगाव पोलीसांनी तब्बल 20 वर्षानंतर बिजनोर उत्तर प्रदेश येथे अटक करून गोव्यात आणले.

2002 साली मडगाव येथे दिवसा ढवळ्या हा धाडसी दरोडा घातला होता. त्यानंतर बऱ्याच कालावधी नतर मडगाव पोलीसांनी सात जणांना अटक केली होती. मात्र सदर आरोपी पोलीसांच्या हाती लागला नव्हता त्यामुळे त्याचा शोध चालू होता.

सदर आरोपी उत्तर प्रदेशमध्ये रहात असल्याची माहिती पोलिसांना मिळाल्यावर त्याला तिथे जाऊन ताब्यात घेण्यात आले अशी माहिती मडगाव येथिल पोलीस निरिक्षक तुळशीदास नाईक यांनी दिली .या दरोडा प्रकरणातील इतर आरोपींना न्यायायलने यापूर्वीच शिक्षा ठोठावली आहे. आता या संशयिता विरोधातही सुनावणी चालू होणार आहे.