Margao: गोव्यात कबड्डी आणि खो-खो या देशी खेळांचा प्रसार, प्रचार करण्यासाठी मोलाचे काम केलेले मडगाव नगरपालिकेचे माजी उपनगराध्यक्ष गोकुळदास शिरोडकर (72) यांचे आज (24 मे) दुपारी निधन झाले.

त्यांच्या मागे पत्नी अनुया, पुत्र अमेय तसेच विवाहित कन्या अमिषा राजेश पेडणेकर असा परिवार असून उद्या (25 मे) सकाळी 11 वाजता त्यांच्या घोगळ हौसिंगबोर्ड येथील निवासस्थानावरून अंत्ययात्रा निघणार असून नंतर मडगाव येथील स्मशानभूमीत त्यांच्यावर अंत्यसंस्कार केले जाणार आहेत.

शिरोडकर हे एलआयसीचे निवृत्त कर्मचारी असून सामजिक कार्यात ते अग्रेसर होते. मडगाव शिगमोत्सव समितीचे ते क्रियाशील सदस्य होते. भंडारी समाजाच्या कार्यातही त्यांचा सक्रीय सहभाग होता.

त्यांच्या सामाजिक कार्यासाठी त्यांना अनेक पुरस्कार देऊन गौरवण्यात आले होते.