Goa Politics: कुठ्ठाळीच्या माजी आमदार एलिना साल्ढाना यांनी आम आदमी पक्ष सदस्यत्वाचा राजीनामा दिला आहे. पक्षाचे कामकाज आपल्या गोव्याविषयीच्या विचारसरणीशी सुसंगत नसल्याचे कारण त्यांनी या राजीनामा पत्रात नमूद केले आहे.

पक्षाचे राज्य संयोजक ॲड. अमित पालेकर यांच्याकडे पक्ष कार्यालयात त्यांनी हे राजीनामा पत्र सादर करून तत्काळ राजीनामा स्वीकारावा, अशी विनंती केली आहे.

गोवा आणि गोमंतकीय यांच्या कल्याणाच्या विषयावर आम आदमी पक्षाने जास्त लक्ष देण्याची गरज आहे, असे मतही त्यांनी व्यक्त केले आहे.

माजी मंत्री एलिना साल्ढाणा यांनी १७ डिसेंबर २०२१ रोजी भाजपला सोडचिठ्ठी देऊन आम आदमी पक्षात प्रवेश केला होता.