सासष्टी, दवर्ली येथे डॉ. के. ब. हेडगेवार विद्यालयात वनमहोत्सव उत्साहात साजरा करण्यात आला. यानिमित्त झरीवाडा-मडगाव येथील जैन मंदिराच्या आवारात इयत्ता सातवीच्या मुलांनी शिक्षकांच्या मदतीने वृक्षारोपण केले.
यावेळी वनविभागाचे अधिकारी महानंद पर्रीकर, गौरीश कलंत्रे उपस्थित होते. महानंद पर्रीकर यांनी मुलांना मानवी जीवनातील झाडांचे महत्त्व पटवून सांगितले तसेच पर्यावरण संरक्षणासाठी जास्तीत जास्त झाडे लावावीत, असेही सांगितले.
यावेळी इयत्ता चौथीच्या विद्यार्थ्यांनी शाळेच्या आवारात वृक्षारोपण केले. इयत्ता पहिली व दुसरीच्या विद्यार्थ्यांनी फुलांचे हार व मुकुट बनविले. इयत्ता तिसरीच्या विद्यार्थ्यांनी पर्यावरणाचे महत्त्व सांगणारे नाटक सादर केले. इयत्ता पाचवीच्या विद्यार्थ्यांनी शाळेचा आवार सुशोभित केला.
इयत्ता सहावीच्या विद्यार्थ्यांनी भित्तीपत्रके तयार केली. तसेच इयत्ता आठवीच्या विद्यार्थ्यांसाठी भित्तीपत्रके बनविण्याची स्पर्धा आयोजित केली होती. या भित्तीपत्रकांचे मान्यवरांनी अनावरण केले. याप्रसंगी मुलांनी पर्यावरण गीत सादर केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.