पणजी: भारतीय आधुनिक चित्रकलेचे प्रणेते आणि गोव्याचे सुपुत्र फ्रान्सिस न्यूटन सौझा (एफ. एन. सौझा) यांच्या दुर्मिळ कलाकृतीने आंतरराष्ट्रीय कला बाजारात नवा विक्रम नोंदवला आहे.

‘सफ्रनआर्ट’च्या ‘ऑटम ऑक्शन’मध्ये सोझा यांनी १९६५ मध्ये साकारलेल्या ‘हनुमान – द मंकी गॉड’ या चित्राला तब्बल १५.६० कोटी रुपयांची बोली मिळाली. कागदावर साकारलेल्या (वर्क ऑन पेपर) स्वतंत्र कलाकृतीसाठी जागतिक स्तरावर मिळालेली ही आतापर्यंतची सर्वोच्च किंमत ठरली आहे

‘वॉश अँड गॉश’ माध्यमातील हे दुर्मिळ चित्र सोझा यांनी नाथद्वारा परंपरेतील चित्रकार मोहन शर्मा यांच्या सहकार्याने साकारले होते. दरम्यान, ‘सफ्रनआर्ट’च्या १९ सप्टेंबर रोजी झालेल्या लाइव्ह लिलावातून २१८.६२ कोटी रुपये, तर २१ आणि २२ सप्टेंबर रोजी झालेल्या ऑनलाइन लिलावातून ३१.९७ कोटी रुपये मिळाले.