Goa Elections 2022: आज गोव्यात शांततेने मतदान पार पडले असले तरी पाच गुन्ह्यांची नोंद झाली असल्याची माहिती पोलीस महानिरीक्षक राजेश कुमार (Inspector General of Police Rajesh Kumar) यांनी दिली आहे त्यांनी दिलेल्या माहितीनुसार कोलवा येथे मतदान करण्यासाठी रोख रक्कम वाटत असताना पोलिसांनी एकाला अटक केली असून त्याच्याकडून 1 लाख 19 हजार 270 रुपये जप्त केले आहेत. दुसरी घटना फोंडा (Ponda) येथील असून मतदान करताना मतदान यंत्रासह मोबाईलच्या साह्याने फोटो घेताना गितेश नाईक याला पोलिसांनी अटक केली आहे.

अशाच प्रकारे पर्वरी (Porvorim) येथे मतदान यंत्रासह मोबाईलच्या आधारे फोटो घेताना संदीप मांद्रेकर याला पोलिसांनी अटक केली आहे. याशिवाय ओल्ड गोवा येथे मतदान करण्यापासून रोखण्याच्या कारणाने एका व्यक्तीच्या विरोधात केस नोंद झाली आहे. तर पाचवी घटना डिचोली येथील असून वल्लभ साळकर यांची गाडी अज्ञातांनी पेटवली आहे ही घटना काल रात्रीची आहे यासंदर्भात सीसीटीव्ही फुटेज मिळाले असून या आधारे पोलीस अधिक तपास करत आहे.