फोंडा: कपिलेश्वरी - कवळे येथील तळीत मृत मासे आढळल्याने अनेकांनी संताप व्यक्त केला आहे. गणपती विसर्जन करताना बॉम्बसदृश मोठा आवाज करणारे फटाके तळीच्या पाण्यावर फोडल्यामुळे मासे मृत होण्याचा प्रकार घडल्याची चर्चा परिसरात सुरू असून तसा दावाही करण्यात येत आहे.
असा प्रकार यापूर्वी कधीही घडला नसल्याच्या प्रतिक्रियाही यावेळी व्यक्त करण्यात आल्या. या फटाक्यांमधील घातक रसायनांचा प्रभाव माशांवर पडला असावा, असाही या चर्चेचा सूर होता. मात्र, पुढील धोका टाळण्यासाठी मंदिर व्यवस्थापनाकडून प्रदूषण नियंत्रण मंडळाला यासंबंधी कळविण्यात येणार असून पाण्याचीही तपासणी केली जाईल, अशी माहिती देण्यात आली.
यंदा गणपतींचे विसर्जन केल्यानंतर तळीतील मासे मृत होण्याचा प्रकार घडल्याने लोकांनी सखेद आश्‍चर्य व्यक्त केले आहे. काहींच्या मते, तळीत प्रदूषण झाले असल्याने हे मासे मृत झाले असावेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.