दोन दिवसांच्या प्रयत्नानंतर अखेर अडवलपाल येथील मायनिंग डंप परिसरात लागलेली आग नियंत्रणात आली. आज डिचोलीपासून जवळच सारमानस परिसरात पठाराला आग लागली.

त्यामुळे काही प्रमाणात निसर्गाचे नुकसान झाले. डिचोली अग्निशमन दलाच्या जवानांनी अथक परिश्रमानंतर आग नियंत्रणात आणली.

‘अग्निशमन’चे मदतकार्य

अडवलपाल परिसरात आग लागल्याची माहिती मिळताच डिचोली अग्निशमन दलाच्या जवानांनी काल अडवलपाल येथे धाव घेऊन मदतकार्य सुरु केले. मात्र आग नियंत्रणात आणण्यासाठी केलेले सर्व प्रयत्न अयशस्वी ठरले होते.

धूमसत असलेल्या आगीने पुन्हा पेट घेतला. त्यामुळे अग्निशमन दलाच्या जवानांना पुन्हा घटनास्थळी धाव घ्यावी लागली. अखेर अथक प्रयत्नानंतर सायंकाळी आग नियंत्रणात आणणे अग्निशमन दलाला यश आले.

आजच्या मदतकार्यावेळी दलाचे अधिकारी शैलेश गावडे घटनास्थळी उपस्थित होते. त्यांच्या मार्गदर्शनाखाली आणि लिडींग फायर फायटर व्ही. डी. गावकर यांच्या नेतृत्वाखाली दलाच्या जवानांनी शर्थीचे प्रयत्न करुन आग नियंत्रणात आणली. या आगीत काजूची झाडे जळून खाक झाली