फातोर्डा : कुडतरी येथे विहरीत पडलेल्या एका 72 वर्षीय वृद्ध महिलेला कुडचडे येथील अग्निशमन दलाच्या जवानांनी अथक प्रयत्नानंतर सुखरूप बाहेर काढले. विहरीत या महिलेचे नाव मींगेलिं डिकॉस्ता असे आहे.

हे प्रकरण 4 जानेवारी रोजी दुपारी 1:30 वाजण्याच्या दरम्यान घडले होते. एक वृद्ध महिला गिरदोली - कुडतरी येथे विहरीत पडल्याची माहिती मिळताच कुडचडे येथील अग्निशमन दलाच्या जवानांनी धाव घेऊन नऊ फूट पर्यंत खोलीच्या विहरीत प्रवेश करून अथक प्रयास करून शिडी आणि दोरीच्या सहायाने या महिलेला सुखरूप बाहेर काढले .

ही महिला विहरीत कशी पडली याविषयी माहिती प्राप्त झाली नाही. तर या ठिकाणी अग्निशमन दलाच्या कर्मचाऱ्यांचे तिला जीवदान दिल्याबद्दल कौतुक होत आहे यात कुडचडे येथील पी. सांगोडकर, आर. एस. गावस, टी. रेकडा ,एस देसाई या जवानांनी या कारवाईत भाग घेतला होता.